Gh'è una dona setada giò in sol bordu de la veranda,
la dunda soe la cadrega che urmai la cricca cumè i so oss,
la facia de cucudrill senza pioe lacrima senza pioe deenc,
un vermouth, un zicch de turta e una zanzara soel brascialett
Gh'è una dona setada giò in soel bordu de la veranda
la diis che g'ha mea voeja de vedè chi la va a truvà,
una volta la nava in giir cul foulard e la giacca vèrta
adèss per la sua memoria l'ha giamò preparaa el badiil
Madamm madamm Falena
cun't el coer che se gira di schena
madamm madamm Falena
se po' mea scapà in altalena
Gh'è una dona setata giò in sol bordu de la veranda,
la g'ha in crapa un capèll de paja per mea faa vedè i pensee,
al tramonto la sona el banjo che uramai g'ha una corda sula
la canzon a l'è sempru quèla e gnanca el diavul la voer sentì
G'hè una dona che sara i occ ma segùta a vedè una scèna,
la segùta a vedè la facia che la gh'era nel medaglion,
gh'era el prèvet e i testimoni i mazz de fiuu e anca la banda,
ma lo sposo dietro al fienile, l'era scapaa foe del medaglion
Madamm madamm Falena
i biss g'hann mai la cadena
madamm madamm Falena
tenaja cun la buca piena
Gh'è una dona setada giò so sta cazzo de 'na veranda
l'è vestiida ancamò de spusa la g'ha in man ancamò el fusiil
il suo anello è quel grilletto che ha infilato una volta sola
un tempuraal de un seguund e mezz e un boecc in un bell vestii...
