Soe questa strada soe questra strada
una cürva al giàzz una cürva al suu
L’è questa strada che la rampéga
quella dei noni e di mè neuu
Sun staa luntan per tropi ann
ho lauuraa e majà foe tücoos
e questa schena de tartarüga
soe questa strada la porti a ca’
La nocc l’è fregia la nocc l’è scüüra
ma una fiamàda la sbranerà
Mìlà büceer cume autoscontri
e anca el Zepp el brüserà
de questa sira gh’èmm pioe una lengua
gh’èmm pioe una facia
gh’èmm pioe un mestée
dumà un vestìi una buteglia
e questa maschera de lègn
Taca la baraunda
curianduli cuntra i pensèe
intaant che’l Brütt el dunda
el Bell fa vede’l butasc
Denaanz gh’è’l Mascheron
sübit dopo la Sigürtà
de dree i düü Sapoer
dumà la Ciocia la parlerà
ai gabul de la tua vita
te ghe penseret duman
podet mea scapàa del Carnevaal de Schignan
Tütt el paees el g’ha veert la porta
e ogni porta l’ha g’ha deent quajvoen
gh’è pioe urelocc gh’è pioe campana
solo bronze e petardi e s’ciopp
e questa maschera che me scuund
la tegni fissa la moli mai
L’ünica facia che g’ho l’è questa
perché quel’oltra so pioe in due l’è
La vedi riid l’eri spusada la paar cuntenta
la trovi bee chissà i fioe se s’iin vestii
se g’hann la maschera anca i neuu
ghe vo visén la branchi sciàa
per tri menütt la fo balàa
nissoena maschera cambia facia
anca se suta gh’è un omm che piaang
Taca la baraunda
curianduli cuntra i pensèe
intaant che’l Brütt dunda
el Bell fa vede’l butasc
Denanz gh’è’l Mascheron
subit dopo la Segürtà
dedree i düü Sapoer
dumà la Ciocia la parlerà
ai gabul de la tua vita
te ghe penseret duman
Soe questa strada soe questra strada
una cürva al giàzz una cürva al suu
L’è questa strada che la rampéga
quella dei noni e di mè neuu
Turni luntan un oltru ann
vo’ a laurà e majà foe tücoos
e questa maschera intagliada
anca stasira la porti a ca’
