Миэхэ наада эн тапталыҥ нарын тылыҥ
Эн мичээрдиигин мин ууллабын былыр
Хантан ылбыккыный хап-хара харахтаргын
Сибэкки көстүүтүн санатар суhуохтааххын
Миигин абылыыр миигин дьоллуур ити
Таптыыбын дииргин сүрэхпиттэн иhиппитим
Туох кистэлэҥэ кэлгийдэ холоруктуун
Аhаҕас майгыннан билиниий бүтүннүү
Мин долгуйдум сүрэҕим тэйиэккэлиир
Хайдах билинэбин чыычаах миэхэ кэлиий
Бу олорор олохпор аналбын көрдөөбүтүм
Истиҥ сыhыан суоҕун букатын өйдөөбүтүм
Арай эн көhүннүҥ мин эйгэбэр
Эйиэхэ эрэнэбин ол аата тапталбыт баар
Баҕар ардах буолуо баҕар тымныы хаар
Ол эрэн эн бааргына таптал сүрэхпэр баар.
Х/ы Эн хатылааманыый быстах таптал буолууманыый
Эн миигиннин буолууй сүрэхпэр эн сыыhыманыый
Эйигиннин дьоллоохпун атын дьолбун сүөрүмэниий
Сэгэриэм дууhабар бааргын уонна сүрэхпэр букатын
2. Мин тула туран мичээрдиигин эн
Ити дьоллоох түгэни умнубаппын сатаан
Өйбүнэн дууhаннан ылардым букатын
Урут өйдөөбөтөхпүн өйдөөтүм кэрэтин
Миигин уларыт санаам уруккутун
Барытын быраҕан туран уоскуйбутум
Эйигиннэн сылдьыам мэлдьи киэҥ туттуом
Күнтэн күн күүhүрэн өссө күүскэ таптыам
Миэхэ эрэниий бу тыыннаах тылым тыллар
Биhини кэтэhэр олоххо өр сыллар
Ол тухары дьол таптал баар буоллун
Быстах санаа диэн тыл букатын уоллун
Мин баарбын суолгун ыйым сырдатыа
Суох буолар кэммэр күн уота сылаас бэрсиэ
Эн аатыҥ өрүүтүн мин сүрэхпэр баар
Тапталынан арыаллатан сылдьыаҕа наар.
