Ju sugnu 'nomu troppu malantrinu
e sugnu 'ntisu 'ntra lu me quarteri,
li cosi cchiù segreti e cchiù 'mpurtanti
di sutta li me manu hannu a passari.
Li fimmini cchiù beddi ddo paisi
di mia su pazzamenti 'nnamurati
e ju ccu tutti mi cci fazzu zitu
e passu tempu tutti li jurnati.
Me matri già mi fici malantrinu
Turiddu spaccatuttu ju mi chiamu,
ccu mia non ci pò mancu a jttatura
e non mi scantu no di la lupara.
Ccu mia daveru picca s'à parrari
'm'atà capiri ccu na taliata
e 'nzoccu dicu ju prestu s'à fari
sannunca spattu a tutti timbulati.
Mi chiamunu Turiddu mafiusu
na musca non mi passa ppi lu nasu
e quannu vogghiu sugnu priputenti
amara a ccu m'accapita davanti
Ma quannu parru ccu na picciuttedda
e specialmenti quannu mi piaci
diventu bonu e duci 'ndo parrari
e a fazzu prestu prestu 'nammurari.
Me matri già mi fici malantrinu
Turiddu spaccatuttu ju mi chiamu,
ccu mia non ci pò mancu a jttatura
e non mi scantu no di la lupara.
Ccu mia daveru picca s'à parrari
'm'atà capiri ccu na taliata
e 'nzoccu dicu ju prestu s'à fari
sannunca spattu a tutti timbulati.
