Tha mulad, tha mulad
Tha lionn-dubh arm fhéin
Hì rì hoireann ó, hì rì hoireann ó
Tha de mhingin air m'aire
Nì nach aidich mo bheul
Hì rì rì rì o ho, roho hì hoireann ó
M'an àganach ghasda ùr
Mharcach nan steud
Hì rì hoireann ó, hì rì hoireann ó
M'an taca seo 'n uiridh
Bu thoil leat m' fhuran ro cheud
Hì rì rì rì o ho, roho hì hoireann ó
Cha mhò ort mi'n blìadhna
Na eunlaith nan speur
Hì rì hoireann ó, hì rì hoireann ó
Chan inns mi dha m' phiuthair
Meud mo chumh as do dhéidh
Hì rì rì rì o ho, roho hì hoireann ó
Na dha m' mhàthair a rug mi
Chuir mi cudthrom 'na ceum
Hì rì hoireann ó, hì rì hoireann ó
Tha sac trom air mo chridhe
Nach tog fìdheall nan teud
Hì rì rì rì o ho, roho hì hoireann ó
Ach a Mhairead nan cuiread
'S dàn a chuir tha arm breug
Hì rì hoireann ó, hì rì hoireann ó
Thilg thu arm-sa mar aileis
Nach b'uilear dhomh 'm bréid
Hì rì rì rì o ho, roho hì hoireann ó
Gu robh leanabh am pasgadh
Fo asna mo chéibh
Hì rì hoireann ó, hì rì hoireann ó
Cuim nach innseadh tu'n fhìrinn
Mar a dh'innsinn ort fhéin
Hì rì rì rì o ho, roho hì hoireann ó
Ann an làthair mo thighearn
Far am bithinn 's tu réidh
Hì rì hoireann ó, hì rì hoireann ó
Thilg thu arm-sa mar dhearrais
Gu robh m'athair an éis
Hì rì rì rì o ho, roho hì hoireann ó
Cha b'ionnan dha m'athair
'S dha d' athair-sa fhéin
Hì rì hoireann ó, hì rì hoireann ó
Cha b'ionnan dha'n taighean
'N àm laighe do'n ghréin
Hì rì rì rì o ho, roho hì hoireann ó
'S ann a gheibhte 'n taigh d'athar-s'
Cinn is cnamhan an éisg
Hì rì hoireann ó, hì rì hoireann ó
'S ann a gheibhte 'n taigh m'athar-s'
Cinn is casan an fhéidh
Hì rì rì rì o ho, roho hì hoireann ó
