Текст песни Гузель Уразова - Урман егете

Урманнарның серен яшергәнме?
Бигрәк серле яшел күзләрең!
Мин аларга карап туймас идем,
Назлап үбәр идем үзләрен.

Кушымта:

Һәр көн сине күрмәсәм дә,
Бәхеткәем бер бөтен.
Йөрәгемне гашыйк иттең,
Әй, син урман егете!

Урман шаулавыннан сизәсеңме
Төрле яклап искән җилләрне?
Урманнардан гына алдың әллә,
Йөрәгеңнән ташкан хисләрне?

Кушымта шул ук.

Челтер - челтер ага чишмәләре,
Назлап кына урман гөлләрен...
Сиңа гына серем сөйләр идем,
Чишмәләрдәй саф бит йөрәгең.

Кушымта шул ук.