Текст песни Hungary Royal Music - 15 Tant que vivray

Tant que vivray en age florissant,
Je serviray Amour le dieu puissant,
En faictz en dictz, en chansons et accords
Par plusieurs jours m'a tenu languissant,
Mais après dueil m'a faict resjouissant,
Car j'ay l'amour de la belle au gent corps
Son alliance, c'est ma fiance,
Son coeur est mien, le mien est sien:
Fide tristesse! Vive liesse,
puisqu'en amours a tant de bien!

Quand je la veulx servir et honorer,
Quand par escriptz vault son nom decorer,
Quand je la veoy et visite souvent,
Les envieux n'en font que murmurer,
Mais nostre amour n'en saurait moins durer,
Autant ou plus en emporte le vent
Maulgrè envie toute ma vie
Je l'aimerai et chanterai:
c'est la première, c'est la dernière,
que j'ai servie et serviray