Gie zie min knipoag e min lekske
gie ziet het aike langs min wang
gie zie min kietel e min vrijke
minne 'stil moar' vo minnen bang
minne verschiet nie a 't ne ke slecht goa
minnen ''t kom allemaal wel goe'
moar oek min 'toon mi toch waorom
wan 'k wete echt nie hoe da 't moe
gie zien min stokske om mee te vrijen
gie zie min keppedoze kleer
gie zie min 'oe' en minnen 'aa'
en doe mi astenblieft geen zeer
mo gie ziet oek min vulste plekske
ik de knikker, gie de stront
en ip de meste van oes doagen
wil de 'k da gie nie bestond
gie zie min 'wa edde gedaoen'
en minnen 'nee, 'k moet et nie wet'n'
gie zie olles woar da 'k ik zot van word
en ola wa 'k wil verget'n
gie zie vijvers zonder woater
woard elken hond e in gepiest
en ge bewoaert mi moart tot loater
mo ge weet nie wa da 'j verliest
mo gie ziet oek min vulste plekske
ik de knikker, gie de stront
en ip de meeste van oes doagen
wilde 'k da gie nie bestond
gie, gie zie de nacht zonder verlang'n
gie, gie zie de koater na de win
en wete, ip de meeste van oes doagen
e'k oltid bie een ander will'n zin
dus da j'et moar moet zien te red'n
da 'k genen tid meer e voor u
ik zen uwen 'aur revoir'
en gie minne 'salut'
