ﺯﻭﺍﻟﻲ ﻭ ﻧﺤﺐ ﻧﻌﻴﺶ ﻗﻮﻟﻮ ﻷﻣﻲ ﻣﺎﺗﺒﻜﻴﺶ
ﺩﺭﺕ ﺍﻟﺪﻧﻴﺎ ﻭ ﺷﻘﻴﺖ ﺍﻟﺪﻧﻴﺎ ﻣﺎﺳﺎﻋﺘﻨﻴﺶ
ﺧﺪﻣﺖ ﺻﺒﺎﺡ ﻭ ﻟﻴﻞ ﺗﺤﻤﻠﺖ ﻭ ﺫﻗﺖ ﺍﻟﻮﻳﻞ
ﻧﺮﻭﺡ ﻨﺒﺎﺕ ﻓﻲ ﻓﺮﺷﻲ ﻣﺮﻳﺾ ﻭ ﻋﻠﻴﻞ
ﻧﺨﺪﻡ ﻋﻟ ﻟﻤﺎﻟﻲ ﻳﻤﺎ ﺷﻘﻴﺖ ﻟﻴﺎﻟﻲ
ﺧﺎﻳﻒ ﻟﻤﺎ ﺗﺼﺒﺮﺷﻲ ﺍﻟﻟﻲ ﺗﻤﻨﻴﺘﻬﺎ ﺣﻼﻟﻲ
ﻛﻞ ﻧﻬﺎﺭ ﻭ ﻧﻬﺎﺭﻭ ﻧﺘﻠﻬﻤﻗ ﻓﻲ ﻗﺎﺭﻭ
ﻧﻠﻮﺝ ﻋﻠ ﻔﺮﻧﻚ ﺻﺤﻰ ﻟﻠﻲ ﻋﻤﺮ ﺩﺍﺭﻭ
ﻣﺮﺳﻜﻲ ﻓ ﻠﻜﺎﺭ ﻭ ﻛﺮﻳﺪﻱ ﻣﻠ ﻌﻄﺎﺭ
ﻣﺨﺒﻲ ﻭﺟﻬﻲ ﻣﻞ ﻗﻬﻮﺍﺟﻲ ﻲﺳﺎﻟﻨﻲ ﺩﻳﻨﺎﺭ
ﻛﻠﺘﻨﺎ ﻭ ﻣﻠﻘﻴﻨﺎﺷﻲ ﺧﺒﻴﺰﺓ ﻭ ﺩﻳﻤﺎ ﻣﺎﺷﻲ
ﻣﻠ ﺤﻼﻝ ﻛﻠﻴﻨﺎ ﻭ ﻣﻠ ﺤﺮﺍﻡ ﻣﻜﻠﻴﻨﺎﺷﻲ
ﺯﻭﺍﻟﻲ ﻳﺎ ﺑﻼﺩﻱ ﺑﻼﺩﻱ ﻣﻮﺵ ﺑﻼﺩﻱ
ﻭﻳﻨﻲﻛﺮﻫﺒﺘﻲ ﻭ ﺩﺍﺭﻱ ﻭﻳﻨﻲ ﻣﺮﺗﻲ ﻭ ﺃﻭﻻﺩﻱ
هايم فوق الارض همنا طول و عرض
زوالي تحب تعيش ما لقيتش دواء في المرض
ﺯﻭﺍﻟﻲ ﻭﻧﺤﺐ ﻧﻌﻴﺶ....ﻗﻮﻟﻮ ﻷﻣﻲ ﻣﺎﺗﺒﻜﻴﺶ
حلمنا بين الناس غدوة نولي لباس
زفتنا الكياس اللي تمشي بيه المرسيدس
خدمنا و ما حشمناشي مرماجي و قرباجي
قهواجي و شاوش و اللي موسال مع البنكاجي
نلبس مل فريب غلو الخبزة و الحليب
حتى الزوالي في بلادو رفيس وغريب
فاتورة الضو خلط عليها الماء
هرب وجهك مل ملاك ما خلصتش الكراء
يلموا في المليارات و احنا نلمو بالفرنك
تبنيهم بعرق جبين ديمة طايحين للدنك
لصقة في دارك زنك تحلم بالشاتو
إنت تخدم و تكلت و السراق تاكل غاتو
بدلنا البغل أما بقات الكريتا
زوالي مل ريف للعاصمة مش في الخريطة
بكينا عل خبزة ياما بكيتي رجال
باعونا و شرونا يا بلادي سوق و دلال
ﺯﻭﺍﻟﻲ ﻭ ﻧﺤﺐ ﻧﻌﻴﺶ....ﻗﻮﻟﻮ ﻷﻣﻲ ﻣﺎ ﺗﺒﻜﻴﺶ
زوالي الدنيا غلات جيعان في كرشك تبات
اللي غلاو في الخبزة سراق اللي في البروات
هما كلاو اللحمة و غلاو في العظم
زوالي من عيد لعيد يدخل لدارك لحم
تحشم بين لصحاب زوالي موسال
تحشم كيف دخل يدك في جيب السروال
كسبنا كان الصرف فقراء بالحرف
تربينا رجلة ما حملناش نبزة مل عرف
نحمل و نطبس راسي نعطي للذل كارو
ميمة وليدك يقاسي باش يدخل لقمة لدارو
هريسة و سردينة مساند الرسمي
نخدم كي الماكينة مانيش خالط على قسمي
صحة يا مرتاح نفيق فجاري و صباح
نولج على باب الجنة ما لقيتش مفتاح
صبرك يا قليل ما لقيتش دليل
زوالي يا دنيا في الدنيا عابر سبيل
ﺯﻭﺍﻟﻲ ﻭ ﻧﺤﺐ ﻧﻌﻴﺶ....ﻗﻮﻟﻮ ﻷﻣﻲ ﻣﺎ ﺗﺒﻜﻴﺶ
