Текст песни Хорея Козацька - Княжат роських недарма

Княжат росских недáрмо тóт клéйнот, Стефане,
Нóсиш, и сáм княжáтем будучи в их станє,
Бо в дЂлности и в цнóтах княжатом ровнаєш:
Коня, зброю, корону, копЂю гды маєш.
Взятый єстесь у свЂта, щенжне узброіоный
И отъ бога въ покорном сърдцу улюбіоный:
Влодéмера, Всеволода, цного Ярослава
Мужство, вЂры и цнот всЂх при том гербЂ слава
В тобЂ тепер сіяєт; и межи княжаты
ДавнЂйшими тобою хлюбятся сарматы,
Свитополком, княжатем славным Четвертенским,
Правослáвным побожным мужем и рыцерским.
Ну ж теды менжным славъся, маєш оборону —
Правость вЂры; а в небЂ мЂти меш корону.