Урыс пщышхоу жэкlэ тlаркъу,
Блэгъожъыгур зыкlоцlылъ,
Адыгэлъэу о ипшъугъэм
Блэщэджыблэу къыптефэн.
Тхьашхом упсэ хиутын,
Амин, амин хиутын!
Угу шlуцlэм бгъэм щышъугъэм
Шыблэщэжъыр къытефэн,
Къыпфэмыгърэр бгъэгушlон.
Хьаджырэтэу шыу закъом lэкlэшlагъэм
Лlыжъи, кlали — лъэпкъыр зэкlэ рыоукlы,
Тэ егъашlэм тыукlакlоу бэрэ оlо,
Уиlэшlагъэ еплъи: лъэпкъкlэ тыоукlы.
Къали, чыли зэдэбгъакlоу тыогъэсты,
Хьэдэ стыгъэм тыкъылъыхъоу шъофым тит тэ,
Адыгашъхьэр паlоу пчэгъум пыогъэсы,
Тыпси, тыгуи, тибылыми о ттеохы.
Хым тфэмыхъоу о уикъохъумэ тыкъыхадзэ,
Хыдзэ-псыдзэм пцэшхо lусы тыкъыщэхъу,
Тисабыйхэр пчыпэ пакlэм щызэрадзэх,
Хэбзэ зафэу пачъыхь хабзэр о къыпщэхъу.
Урыс пщышхоу жэкlэ тlаркъу,
Тхьэм и кlуачlэр къыптекlон,
Тыгуи-тыпси лъэшэу къаргъу,
Насып лъагъор къытфэкlон.
