Текст песни Раяз - Гомерлек язым минус

Язлар булып кердең күңелемә,
Гомерлек яз булып кал инде.
Бер хәсрәтсез йөргән күңелемне
Татлы сагышларга сал инде.

Табигатьтән китсә, китсен язлар,
Тик син китмә минем йөрәгемнән.
Гөлбакча ит минем күңелемне,
Сулмас чәчәкләргә күмелгән.

Күзләремә минем серле карап:
"Гомерлек яз булмый" димә син.
Тик күңелләр генә суынмасын,
Әрсез күзләр генә тимәсен.

Сагыш-моңсыз йөргән күңелемне
Татлы сагышларга сал инде.
Язлар булып кердең күңелемә,
Гомерлек яз булып кал инде.