Текст песни неиз - Жину коне

Яшь каеннар яфрак ярган таңда
Яшь каендай яп-яшь егетләр.
Ил бурычын иңнәренә асып,
Ут эченә яуга керделәр.

Җиңү көне җиңел бирелмәде
, Җыр җырланмый шөһрәт-дан өчен.
Йөрәк елый Муса, Алиш өчен,
Егермеләп миллион җан өчен.

Кар бит шаһит, үлмәс карлы чыклар
Бозга әйләнә, ләкин ил сатмый.
Татар улы батыр Газинурлар
Күкрәкләре белән ут каплый.

Җиңү көне җиңел бирелмәде\,
Җыр җырланмый шөһрәт-дан өчен.
Йөрәк елый Муса, Алиш өчен,
Егермеләп миллион җан өчен.

Кешелекнең киләчәге өчен Рәхмәт,
Ватан, җиңдең, талпындың.
Яңгыра, җыр, горурлыгы булып,
Батырлыгы булып халкымның.

Җиңү көне җиңел бирелмәде,
Җыр җырланмый шөһрәт-дан өчен.
Йөрәк елый Муса, Алиш өчен,
Егермеләп миллион җан өчен.