Хьа дахар кхолош со къайла ваьлча
Хьа лерца хьоьсту аьзнаш д1атийча
Дог эца, дог хьаста со уллехь ца хилча
Д1абайни хаалахь хьай ирсан седа
Дог 1ийжо цхьалла баьрчехьа яьлча
Можачу г1айг1ано дагах шед тоьхча
Г1енаха мукъане со гаре сатесча
Д1абайни хаалахь хьай ирсан седа
Гуьйренан мукъамах са хьовзош тевжича
Йочанаш яхъелла б1аьрхих таръелча
Генарчу паналлехь со тийна лехча
Д1абайни хаалахь хьай ирсан седа
Самукъне шовданаш хероно лакъича
Синтеман г1а-тар замано кагдича
Кхи серло, кхи марзо хьо йоцчохь ца гича
Дог шелдеш д1абайра са ирсан седа
9
Къастаран хорамо къилбанах тиллича
Цхьалло кхолламан т1ера га ластийча
Мел ч1ог1а эшарах со воцуш йиссича
Д1абайни хаалахь хьай ирсан седа
Маьлхан лепарехь са 1индаг1 хоьттича
Б1аьстенан зазашлахь са сибат тарделча
Со воцу х1ар дуьне стималла къахьделча
Д1абайни хаалахь хьай ирсан седа
Аза Газиева
