Miragres fremosos
faz por nós Santa María
e maravillosos.
Fremosos miragres faz que en Déus creamos
e maravillosos, por que o mais temamos
porend' un daquestes é ben que vos digamos
dos mais pïadosos.
Est' avẽo na térra que chaman Berría
dun óme coitado a que o pé ardía
e na sa eigreja ant' o altar jazía
ent' outros coitosos.
Aquel mal do fógo atanto o coitava
que con coita dele o pé tallar mandava
e depois eno conto dos çopos ficava
desses mais astrosos
Pero con tod' esto sempr' ele confïando
en Santa María e mercee chamando
que dos séus miragres en el fosse mostrando
non dos vagarosos
E dizendo: “Ai, Virgen, tu que és escudo
sempre dos coitados, quéras que acorrud
seja per ti; se non, serei oi mais tẽudo
por dos mais nojosos.”
Lógo a Santa Virgen a el en dormindo
per aquel pé a mão indo e vĩindo
trouxe muitas vezes, e de carne comprindo
con dedos nerviosos
E quando s' espertou, sentiu-se mui ben são
e catou o pé; e pois foi del ben certão
non semellou lóg', andando per esse chão
dos mais preguiçosos.
Quantos aquest' oíron, lóg' alí vẽéron
e aa Virgen santa graças ende déron
e os séus miragres ontr' os outros tevéron
por mais grorïosos.
