"МЕН СЕНСИЗ КЕЧАЛМАМ"
Бу къыскъа копюрден мен сенсиз кечалмам,
Тёшеме тахтасы алтындан олса да.
Бир ютум сувумны мен сенсиз ичалмам,
Этрафым гъаркъ олып сув иле толса да.
Омюрге шефкъатнынъ кольгеси сюзюльсе,
Эр заман мен сени дёрт козьнен арарым.
Огюме гузельден гузеллер тизильсе,
Мен сени оларнынъ периси санарым.
Гъайретнен тырышып аслынгъа етмесем,
Эбедий азаплар джанымны ах-вахлар.
Сени мен ёлума ёлдашым этмесем,
Гонълюмни дерт бийлер, юрегим къан агълар.
Бу къыскъа копюрден мен сенсиз кечалмам,
Тешеме тахтасы алтындан олса да.
Бир ютум сувумны мен сенсиз ичалмам,
Этрафым гъаркъ олып сув иле толса да.
Юнус Темиркъая
"MEN SENSİZ KEÇALMAM" YUNUS TEMİRQAYA
Bu qısqa köpürden men sensiz keçalmam,
Töşeme tahtası altıdan olsa da.
Bir yutum suvumnı sen sensiz içalmam,
Etrafım ğarq olıp suv ile tolsa da.
Ömürge şefqatnıñ kölgesi süzülse,
Er zaman men seni dört köznen ararım.
Ögüme güllerden güzeller tizilse,
Men seni olarnıñ perisi sanarım.
Ğayretnen tırışıp aslıña yetmesem,
Ebediy azaplar canımnı ah-vahlar.
Seni men yoluma yoldaşım etsem,
Göñlümni dert biyler, yüregim qan ağlar.
Bu qısqa köpürden men sensiz keçalmam,
Töşeme tahtası altıdan olsa da.
Bir yutum suvumnı sen sensiz içalmam,
Etrafım ğarq olıp suv ile tolsa da.
