Поппури
Тыуған ерем, үҫкән ерем
Ябай ғына бер ауыл.
Ябай булһа ла яҙ еткәс
Гөл баҡсаһы була ул.
Тыуған ауылым урамын
Ҡабат-ҡабат ураным.
Баш осонда ҡош һайраны,
Бәхетемә юраным.
Бәхеттә,шатлыҡта
Иҫәнлектә һаулыҡта
Үтһен ғүмер юлдарығыҙ
Таҙалыҡта, байлыҡта.
Беҙҙең ғүмер ҙур бәхет ул
Ҡәҙерҙәрен белегеҙ.
Сын күңелдән теләктәрҙе
Беҙҙән ҡабул итегеҙ.
Бәхеттә, шатлыҡта
Иҫәнлектә һаулыҡта
Үтһен ғүмер юлдарығыҙ
Таҙалыҡта, байлыҡта.
Ауыл кисе ник һуң моңһоу
Күңелем буш ник шулай.
Өй түрендә тальян гармун
Моң һағынып зар илай.
Әйт ауылым, ҡайҙа һуң моң,
Моң ҡайҙа һуң әйт урам.
Аулаҡ өйлө һәм гармунлы
Йәшлегемде һағынам.
Гармун алайыҡсы дуҫтар
Гармун уйнатайыҡсы.
Йәш саҡтағы көй моңдарҙы
Ҡабат уятайыҡсы.
Йөрәктәрҙе елкендерһен
Тальяндың көмөш сыңы.
Бар йәштәрҙең күңеленә
Кереп ҡалырлыҡ булһын.
Бейек тауҙың баштарынан
Осоп килә ыласын.
Һағынғанын шунан беләм
Йәйеп килә ҡоласын.
Ай лүр ҙәриттә
Рүтә йәриҙҙә итә.
Алдар булғанда ғына ла
Гөлдәр булғанда ғына.
Күтәрелә күңелдәрем
Бергә булғанда ғына.
Ай лүр ҙәриттә
Рүтә йәриҙҙә итә.
