Текст песни Песняры - Падаюць сняжынкі

Падаюць сняжынкi дыяменты-росы,
Падаюць бялюткi за маiм акном...
Расчасалi вiшнi шоўкавыя косы
I ўранiлi долу снегавы вянок.

Дзесьцi у прасторы празвiнелi бомы,
Дацвiлi пялёсткi нечае тугi...
I здаецца зноўку еду я дадому
Пераведаць родных,блiзкiх,дарагiх.

Прыпеў: Хочацца навеяць казкi-таямнiцы
Гукамi мелодый,радасцю без слоў.
I застылi ценi у маёй святлiцы,
Засынаю...снiцца роднае сяло.

Адхiнае вечар тонкiя мярэжы,
На акне альвасы дагарэлi у сне.
А ў душы квяцiстасць i такая свежасць,
I з вачэй усмешкi сыплюцца на снег.

Прыпеў...

3) А сняжынкi сеюць кволую iмглiстасць,
Падаюць бялюткi за маiм акном,
I цвiце на вiшнях снежная ўрачыстасць,
Сцелецца на скронях перад раннiм сном.

Зноў зiма паслала снежныя кiлiмы,
зажурыла беллю паплавы,лугi,
I прыходзiць радасць у красе мауклiвай,
Адплываюць хвiлi смутку i тугi.

Прыпеў...