Текст песни О. Энх-Эрдэнэ - Чандмань эрдэнэ

Харах нүдэнд гийсэн саран чи минь хө
Халигах зүрхэнд шингэсэн гэгээтэй
Халуун голыг булигуулсан гоо чинь хө
Хасын туяаг булаасан одтой ёо
Хангай говыг уяраасан гоо чинь хө
Хадыг хайлууланхан идтэй еэ

Дэлгэр орчлонд ээсэн наран чи минь хө
Дэлгэх цээжийг ариулсан цацраатай
Дэлбээт тольтийг дэнслүүлсэн гоо чинь хө
Дэндүү холыг ойртуулах цаламтай
Дэлхий хорвоог баясгасан ааш чинь хө
Дэвжин дээшлэн бадрахын урамтай

Цэцэгт талд нь зуузай холбон тэлгүүлсэн
Цэнгүүн салхий нь хуурдуулсан нь чи билээ
Цэнхэрийн голын харьгаанд нь дуу маань хө
Цэлгүүн долгиун ярууссан нь чи билээ
Цэгээн сарьдагийн зулайд нь ая маань хө
Цэрвүүлж цуурайтан хадаасан нь чи билээ

Чангалан татсан хуурын маань чавхдас байна хө
Чандлан хөгий нь нийлүүлэн суултай даа
Чамайг намайг учруулсан дуу байна хө
Чармайн аясыг хөгжөөнхөн байлтай даа
Чандмань эрдэнийн шинжтэйхэн чи минь хө
Чандын ивээлээ хайрла даа