Тәнәфестә атлыйм алга, юк башкада уйларым
Иңемдәге фәрештәләр гел оча синең якка
Син үзең дә фәрештә күк, канатың булмаса да.
Канатың булмаса да син “очып” кердең күңелгә
Йөрәгемдә урын алып, калдың анда мәңгегә.
Бу почмактагы урынны яулый алмас башкалар
Яуласа да алар сине алыштыра алмаслар.
Фон:
Карамыйча артка, гел алга таба
Бэхет капкаларын кыялар яба.
Янды хыяллар зэнгэр ут белэн
Анын тормышын тагын кем белгэн?
Нигә мине ышандырдың, өмет бирдең йөрәккә
Кочагыма сыендың да карадың башка якка
Иртән кеше арасыннан бары сине күзләдем
Күзләр үзләре дә белми, нигә сине эзләдем.
Эзләгәнгә үкенмим мин, бәхетле үтте бер ай.
Бер мизгелле бәхет өчен, мин рәхмәтлемен Ходай.
Ходай бирә, Ходай ала, бар да аның кулында
Мин сөйгәннәр мине сөйми бормалы язмышымда
Яратмаган булсам әгәр, язмас идем юлларны
Алдым тузанлы дәфтәрне һәм дә кипкән карамны.
Кара бик тиз эри икән сөюнең учагында
Йөрәктәге ялкынымнан юлларга утлар каба
Дәфтәргә күчкәч ялкыннар, учак әкренгә сүнә
Мәхәббәт учагы өчен йөрәкләр бергә тибә
Бергә тибә алмады шул ике яралы йөрәк
Язның тәүге тамчысында үлде тәүге мәхәббәт!....
